Архивы рубрики ‘Творческая мастерская’

postheadericon Исследовательская работа с детьми

Иитээччи: Павлова Любовь Гариевна

Оҕо чинчийэр дьоҕурун сайыннарар дьарык

Ууну кытта билиһиннэрии

Анала: (5-6 саастаахтарга)

         Уута суох, олох суох

Сыала: Ууну кытта билиһиннэрии, уу убаҕас, сыта суох, дьэҥкир эттик, суурайар хаачыстыбалаах, уу тоҥноҕунан муус буолар, муус ууга тимирбэт, уу губкаҕа иҥэр, итии ууга чэй түргэнник суураллар.

Соруктара:

Үөрэтэр соруктар:схеманан кэпсии үөрэтии;

     Сайыннарар соруктар:билэр-көрөр, толкуйдуур дьоҕурун, саҥарар саҥаны сайыннарыы;

     Иитэр соруктар:Өрүстэрбитин, күөллэрбитин ытыктыыр, харыстыыр    буолуохтаахпыт диэн сыһыаҥҥа иитии.

Саҥа тыллар: Лена Эбэ, дьэҥкир, иҥэр.

Эрдэ ыытыллыбыт үлэ: Глобуска сирбит улахан аҥара уу диэн көрдөрүү, ууну тоҥоруу, хаары киллэрэн кэтээн көрүү.

Туттар тэрил: дьэҥкир иһиттэргэ уу, туус саахар, пластиковай иһиккэ тоҥоруллубут уу, пакеттаах чэйдэр, губка.

Этаптар Чинчийи киинигэр ыытыллар үлэлэр Үөрэтии ньымалара Оҕо тугу билиэхтээҕэ
1 “Уута суох, олох суох” сэһэргэһии ИКТ көмөтунэн көрдөрүү, Уу туһата, Сахабыт сирин саамай улахан өрүһүн билсэр
2 Хартыынанан кэпсэһин Оонньуу: «Профессордар» Уута суох олох суох-диэн билэр, кэпсиир, туоһулаһар.
3 Чинчийэр үлэ Оонньуу: «Биһиги чинчийээччилэрбит”, схеманан кэпсии үөрэтии Уу сыта суох, быһыыта суох, амтана суох, өҥө суох-дьэҥкир эттик. Амтана уларыйар диэн билэр.
4 Чинчийэр үлэ Практическай ньыма, чинчийии Чэй итии ууга түргэнник суураллар, тымныы ууга бытааннык суураллар.
5 Чинчийэр үлэ

Оонньуу: «Губка Боб»

Практическай ньыма Уу губкаҕа иҥэр.
6 Чинчийэр улэ

Оонньуу: «Тимирэр, тимирбэт»

Практическай ньыма Муус уутааҕар чэпчэки ол иһин ууга тимирбэт, сылааска сыыйа ууллар. Баата ууну оборор, тимирэр
7 Оонньуу: «Салгын, уу, сир» Хамсаныылаах оонньуу Эт-хаан өттүнэн сайдар, оонньуу быраабылатын тутуһар, булугас буолар, хонтуруолланар.
8 Оонньуу: «Уу ханна баар буолуон сөбүй?” Сайыннарар оонньуу Толкуйдуур дьоҕура сайдар, бөлөххө үлэлии үөрэнэр.
9 Түмүк Сэһэргэһии Тугу билбитин-көрбүтүн быһаарар, сөбүлээбитин, сөбүлээбэтэҕин этинэр. Уута суох олох суох диэн түмүктүүр.

 

Тугу ситистибит: О5о бэйэтэ тутан-хабан, уу өҥө суох, амтана суох диэн быһаарар. Итии ууга чэй түргэнник суураллар, тымныы ууга бытааннык. Муус ууга тимирбэт. Ууну харыстыыбыт.

 

postheadericon Из опыта работы

Из опыта работы

Конспект занятия

Кулинария

Тема: «Саха аһа»

Иитээччи: Павлова Любовь Гариевна

Анала: 5-6 састаахтарга

Сыала: Саха астарын, иһиттэрин билиһиннэрии, астары көрүҥнэргэ араарыы

Соруктара:

  • Сайыннарар соруктар: о5о билэр-көрөр, чинчийэр дьоҕурун, ситимнээх саҥаны сайыннарыы;
  • Үөрэтэр соруктар: саха иһиттэрин, астарын үөрэтии; идэлэри сал5ыы билиһиннэрии; бөлөххө үлэлии үөрэтии.
  • Иитэр соруктар: Мин сахабын диэн бэйэтин омугун билэр, аламаҕай, эйэҕэс, ыалдьытымсах буола иитии.

 

Эрдэ ыытыллыбыт улэ: Идэлэри билиһиннэрии, ас көрүҥнэрин араара үөрэтии, туустаах тиэстэни оҥорору көрдөрүү, саха иһиттэрин билиһиннэрии.

Саҥа тыллар:  технолог, фаст-фуд

Туттуллар тэрил: Хас биирдии оҕоҕо фартук, салфетка, улахан, кыра кытыйалар, алаадьы, баахыла, ноутбук, экран, остуол оонньуута күөрчэх ытыйыы, кулинарная фабрика «Фаст-фуд» оонньуур, туустаах тиэстэ.

 

Дьарык барыыта:

       Иитээччи: Оҕолор, бүгүн биһиги дьарыкка саха астарын астыыр фабрика тэрийиэхпит. Биһиги саха дьоно буоларбытынан бэйэбит төрүт аспытын аһаатахпытынан уһун тыйыс кыһыммытын холкутук туоруур туруктанабыт. Уот куйаас сайыммытыгар эппитин-хааммытын сөрүүргэтэр үрүҥ аспыт утахтара абырыыр.

Иитээччи:

— Мин фабрика дириэктэрэбин. Фабрикабар үлэһиттэр наадалар. Миигин кытта ас онорор фабрикаҕа үлэлэлииргэ сөбүлэһэҕит дуо?

Үлэҕэ ыларбар бастаан эһиги билиигитин бэрэбиэркэлиибин. Элбэҕи билэр , үчүгэйдик үлэлиир дьону мин үлэҕэ ылабын.

Оонньуу: “Астар көрүҥнэрин араарыы»

Иитээччи: Эһиги бары билиигитин көрдөрдүгүт. Уонна фабрикаҕа үлэлииргэ сөптөөх дьоҥҥут диэн быһааран баран барыгытын үлэҕэ ылыллыбыккытынан эҕэрдэлиибин. (Ытыстарын таһыналлар).

Үлэҕэ ылыллыбыттары кытта билсиһии.

Иитээччи: Убастабыллаах үлэһиттэр, саха иһитин үөрэтээччи, чинчийээччи Тимур Тимофеев саха саамай ытыктыыр иһитэ чороону үөрэттэ уонна билигин эһиэхэ кэпсээн иһитиннэриэҕэ.

Тимур Климентов эмиэ үөрэтээччи өссө биир саха мааны иһитэ кытыйа туһунан кэпсиир. ( проект )

Технологтар:алаадьы уонна баахыла оҥоһуутун туһунан кэпсииллэр.(схеманан кэпсээһин)

Иитээччи «технолог»-диэн кимин быһааран бэрэр.

Александра Давидовна күөрчэх оҥорору көрдөрөр.

Иитээччи: Фабрикабыт үлэтин саҕалыыр, баһаалыста үлэлиир миэстэҕитигэр кэлэн туруҥ. Үлэбит саҕаланар.

Оҕолор туустаах тиэстэннэн, лэппиэскэ, алаадьы, баахыла оҥороллор.

Остуол оонньуута » Күөрчэх ытыйыы».

Астарын оҥорбуттарын кэннэ журналист кэлэр, оҕолортон интервью ылар.

Журналист: Дорооболоруҥ, оҕолор! Мин «Саха көрдөрөр иһитиннэрэр хампаньыйаттан» сылдьабын. Эһигиттэн интервью ылаары кэллим.

-Эһиги фабрикаҕыт тоҕо саха аһын эрэ астыырый?

-Чипсы, фаст-фуд тоҕо оҥорбоккутуй?

Иитээччи «фаст-фуд»- диэн тылы быһаарар.

-Эппиэттэргит иһин махтал.

Иитээччи: Оҕолор, бүгүҥҥү дьарыгы сөбүлээбит буоллаххытынан үөрбүт смайликтары сыһыараҕыт онтон сөбүлээбэтэх буоллаххытынан хомойбуту

Картинки по запросу картинки якутская еда

Архивы
Ноябрь 2019
Пн Вт Ср Чт Пт Сб Вс
« Окт    
 123
45678910
11121314151617
18192021222324
252627282930  
Секс шоп Купить мед. справки